لو اكتشفت بلحضه انك مخادع =وان المشاعر لعبة فيها ابدعت

مالوم نفسك عاللي اليوم شايع =كل يمثل لعبته وانت مثلت

الوم بنتٍ غرها انسان صايع =رضت به وقالت على الله توكلت

بنت غلاها عن هوى الغير جازع =ولامن نصحها انسان قالت تاكدت

قدامها طفل ولطيٍف ورائع =وفي الحقيقه عارف غيرها بنت

باوهامها صار اجمل العمر ضايع =وتبتسم وتقول لا ما تندمت

مسكينه اللي غرها نور ساطع =تنا ظره وتقول انا توي ابصرت

ماجربت حرالندم والمواجع =ماجربت حكيٍ تفجر له الصمت

من ياخذ بيدها اذا العقل بايع =من يفرض الحكمه اذا العاطفه جت

من يرحم اللي تحلم بدفن واقع=وما احٍد نصحها قل قبل ما يرحل الوقت

من يسمع الدعوه من دموع راكع =ويجاوب الا الواحد اللي له اسلمت

تخيلو م اللي يهِدي الروايع =وهي تبتعد وتقول عالموت عزمت

تخيلو م اللي لها اليوم شافع =لاجت وقالت ياهلي منه خلفت

تخيلو م اللي لها اليوم سامع= وهي تعتذر وتصيح يا ناس حّرمت

من الشجاع اللي يحركه دافع =ويعلِّم العذراء ليا قالت ا شتقت

يصونها عن مقبلات الفضايع =ويكشف لها ان الضحيه هي البنت