تعبت انام بوسط دمعي واحاكيك =واقول تكفى راعني ياجنيني

فظلت من لا بر فيني ولا فيك= وظيعت من ظامك بقايا سنيني

وانا التي من فايظ الود اراعيك =واعطيك من روحي وصادق حنيني

ياكثر ماسهر ليلي اتعب واداريك=تذكّر ادموعي وهمي وانيني

ماهمني لوزاد عندي تجافيك = ولوظاقت الدنيا وفارقت عيني

الهم الاكبر خوفي الله يجازيك = وتصيح قصّرْت ابحياتي وديني

وان سامحك قلبي فلا بد يبليك =رب وصاته رحمة الوالديني

اكذب عليك ان قلت لك ماني اشكيك= يبان همي لو تظمه يديني

ياليتها جتني من الناس وابريك =واقول هانت دام هم عاذليني

ياسهلها لاجت من احد يعاديك =ويا صعبها لاقلت هذا ظنيني

اسالك باللي صورك وش حصل فيك =يومك هدرت الجرح بينك وبيني

ان كان شي عن رظا النفس كافيك =اغضبت نفسي والرظا يحتويني

وان كان شيطان الكباير يوصيك = ماينفعك شيطان والا قريني

ابجمع اوجاعي واحاول واناديك =ياعل تظعف لحظه وتنثني لي

وابسالك يابعد عمري واحاكيك =وش هو عقاب مغضب الوالديني