صدق وجودك مايثير إهتمامي =غيرك كثير اللي نوى ما حصله
قلبي بعيد حيل عن كل رامي=عفت الهوى والعشق والحب كله
حاولت ابدل في حضورك كلامي =واغير الموضوع والشاهد الله
ماودي اجرح خافقك وإنت ظامي=وأصدمك بإحساس الجروح المغله
إلا أنت ماودي تضيع بظلامي =وغموضي اللي صابهم منه عله
ايه اعترف لك مافيه حل امامي =سوى الوضوح بكل معنى وجمله
كنت أمس أبجمع مابقى من حطامي=واليوم جرحي مابقى باقي له
عاشر عذول ساعي في اتهامي=قلب المناير مارضى يوم ذله
ماهو غرور ارجوك يكفي ملامي =بعض العتب لازاد نفسي تمله
لي خافق عن كل عيب متسامي =سيفه على كل الخطايا يسله
لاشك ابفنى ما تردى مقامي =من يطلب العليا غدت عادة له
ان طعت لي شور ترى الحل سامي =خلك صديق وطاري الحب خله