والله ما أنسى دام لي قلب وشعور=دام المشاعر في هواه تعصاني ..
والله واللي يبلج الصبح والنور=إلهي ياللي دعيته عطاني ..
منساه لو صكت علي سبعة بحور=لو ضيعتني في رجاه الأماني..
منساه دام الارض بفلاكها تدور=دام العرب فيه وليد..وفاني
مرت على فرقاه سبعة شهور=الصاحب اللي مانسيته ثواني..
والعالم الله كنها سبعة دهور=مرت وأنا مابين كنا..وكاني
ياعاذلين القلب..والقلب معذور=غيره فلا يغني من الناس ثاني..
الحب في داخل حناياه محفور=منقوش في أقصى وريد وداني..
مسحور عقلي به وأنا صرت مسحور=أنساه كيف؟وسحر حبه غشاني..
لاصابني هم ولا جاني قصور=منه..ولا جرح من يدينه جاني..
حشى ولا يجرح خفاياي ويثور=علي ولا قد بالمذله رماني..
أقضي..وودعته وهو فيه مجبور=دربه خذاه..وهم دربي خذاني..
يارب جعله في مسرات وسرور=من وين ماروح سعيد..وهاني..
عساه يذكرني..وأنا أقول مشكور=ذكراك تكفي يابعد من نساني..
بالحب مذكور..وبالخير مذكور=ياواحد ماله مع الناس ثاني..