يازين زول نطحني يشغل البالي = فتان ويديه بالحنا مخضبها
يلبس عباة الطرب والخصر ميالي = وقذيلته نسمة الغربي تلاعبها
سلم عليه وخلاني على فالي = أقفا وانا اقفيت وعيوني معذبها
ياعود ريحانة بستانها سالي = تمطر عليها الثريا من سحايبها
لو شافها ريس بالمنصب العالي = جنب عن الحكم كله من سبايبها
ولو شافها نايبه سلمها الأعمالي = خلا الوزاره تنازل عن مناصبها
ولو دشت البيت الأبيض جالها أفعالي = تلقا الدول من فخامتها تكاتبها
ماني بغاوي بمدح الصاحب الغالي = هذي سوات الحبايب في حبايبها
***