انا هواي جويدل دلها زين = تلعب وتضحك والمبيسم ذبوحي
حبيتها حب الشرف للشريفين = قلبي عليها مثل ورع شفوحي
ورع يذاود عبرته والدهر شين = البيت خالي والرعايا سروحي
وجدي عليها وجد من حده الدين = قليل مال ولا المدين سموحي
أو وجد من جاروا عليه السلاطين = بالسجن مضيوم قليل الشبوحي
أو وجد عود واصل عمر تسعين = ماتوا عياله والقريب لحوحي
أو وجد عذرى زوجوها مسيكين = تبغى الفراقو كل يومن طموحي
بليت بعفش مايعرف القوانين = وجهه كريه وبالعطايا شحوحي
ياليت عمري ياعرب وقم عشرين = وأحلق هوى بالي واداوي جروحي
فيما مضى نمشي بروض وبساتين = يرقص لنا عصن الهوى بالمزوحي
واليوم في بيتي كسير الجناحين = عاجز وشيبي في الصوابر يلوحي
أمسي بهم ويصبح الهم همين = هم يراودني وهم يروحي
يالله يا غافر ذنوب المصلين = ياواحدن تدري بحالي وتوحي
تغفر ذنوبي يوم عرض الموازين = وانت الذي لذنوب عبدك دموحي