اليوم شفت الزين مملوح الشفيه = في ملعب فيه العذارا يلعبني
اشقر عفر مثل القمر واحلا شويه = عشرين من عمره يفز له المغني
جميلة الأوصاف والأصل بدويه = نجدية المذهب على كيفي وظني
يازين ياللي في خدودك جاذبيه = لاترفع البرقع خدودك يسحرني
يامجمل البرقع على خدود عذيه = طالعت فيهن ربع ساعه واجهرني
ياساحر العشاق بعيونن جريه = من رمش عينك صابني رمح المطني
من نظرتك وردتني حوض المنيه = ياويلي من سود العيون اللي رمني
حرام تذبحني وانا مالي خطيه = وش جاك مني يالغضي وش جاك مني
مافيه داعي تذبح الروح البريه = لولا الحيا لاقول ياربعي قتلني
اتعبتني مابين روحات وجيه = لاعلم يا صلكم ولا علم وصلني
انا المولع فيك لاتبخل عليه = شوف يداويني ويجلي الهم عني
اطلبك تعطيني من المبسم عطيه = شربة عسل منها ضميري يرجهني
***