ياليتني ماجيت في سوق الذهب الرياض = ذكرني الماضي وهلت دمعتي سايله
اسباب من خده ورا الشيله شديد البياض = يسحر بنظرات العيون وقذلته مايله
عوده كما البردي يميل من الهوى باعتراض = ينعم على شط العراق وعايل عايله
ومعكرش الخمري على متنه نزل بانقضاض = ذيل الأصيل اللي على ميدانها صايله
ريحه كما ريح النفل في محكمات الفياض = من غب سيله جاك ذعذاع الهوى شايله
لو تسمح الفرصه لعلم به جريدة عكاظ = ترفع له الرايه وتكتب عنه وتسايله
***