حبيبي لك ثلاث شهور غايب = وانا محتار ماعرف القضيه
عسا ماباس ياضافي الذوايب = تكلم ياغزال الجند ليه
حبيبي من غيابك صرت شايب = وانا عشرين عمري ياخطيه
ظريف الطول في زينك عجايب = حسين الدل في روح عذيه
خذيت القلب ياسيد الحبايب = تعذبني وانا روحي بريه
تتوبني وانا ماني بتايب = ومن غيرك يا أحب الناس ليه
ومن هجرك تعذرت القرايب = انام الليل وجروحي خفيه
الا يازين ياكبر المصايب = طريح الحب شاف المحقريه
ترى ما خبر للفرقا سبابيب = واقول رضاك مفروضن عليه
اسال الله يعيدنا النشايب = ونفرح في بعضنا بالسويه