رد الظمني على الشاعر سالم الشبال:
مل عين كن بالنوم يضربها سهام = عافت المرقد وكن الرمد باجفانها
كل ماقلت ارقدي قالت المرقد حرام = سبلت عبراتها والتوجد شانها
والسبب خط لفاني بعد شهر الصيام = من صديقن رفقته مانهد اركانها
مرحبا عداد من زار مكه والمقام = بايعن نفسه على الله يبي غفرانها
ياعسا ماباس يابوحمد ريف الحشام = جعل عينك بالسلامه تشوف اوطانها
غيبتك عنا شهر كنها عشرين عام = قيمتك مع كل طيب رجح قبانها
قالوا انك يم لندن تحت ظل الغمام = في ديارن يلعب الريم في بستانها
انت رايح يم لندن مرض وإلا غرام = قال لي عادل علومن تشوف الوانها
الوضيحي حج مكه يبي توبة ختام = واعرضت له جادلن راقصين ديقانها
قال صارت ياعيالي ولافيها ملام = حبت الكعبة وحبيت بيض اوجانها
وانت ياسالم تبي بعد ذاك الزام زام = مثل راعي طلبتن ماخلص ديانها
او كما اللي ضاع صبره وبعد ذاق الفطام = ينثر العبره وعينه تزيد أحزانها
***