رد مفرح على الشاعر عايض علي الشلاح:
حي البيوت وحي منهو رصدها = ابيات شعرن يبحثن الخوافي
عايض يدور ذاهبه ما وجدها = مثل الذي يطرد ركاب مقافي
يشمت نصيبه لين كبده لهدها = لا هو مريض ولا نقول متعافي
يبكي على اللي تو شلع نهدها = فيها مثل ما قال صقر النصافي
ليته عن سلوم المحبة نشدها = قبل يصيبه من هواها رجافي
عقب صفت لك بالهواء ويش قردها = الله يلوم منقشات الغدافي
راع الهواء مسكين حاله زهدها = متعكرن جوه ولا هو بصافي
ناره من الفرقا توقد وقدها = يقفي ويقبل مثل ذيب هرافي
ان ما حصله لذة من جسدها = ما ضنتي يرفا بلاويه رافي
يابن علي لا تبتلي في نكدها = اترك هواها ما عليها حسافي