رد ا الظمني على شايم السعيدي:
جاني كتاب من حروفه تعورت = وأهني اللي ماكتبها وقراها
قريت مضمونه وبالحال قررت = وأخذت أكيل الراي في مبتداها
لولا حياي وقو صبري تفجرت = تفجير شمعات تزايد لضاها
شايم يقول من المحبه تخسرت = والعين من كثر العناصب ماها
وعز الله اني من كلامه تبلورت = ماعاد أميز مرها من حلاها
فيما حصل لك يالسعيدي تفكرت = عينن شكت من خلها ويش جاها
دامك تقول مع اريش العين مابرت = وش سبب الفرقا وبدل هواها
والهقوة انك عن وعدها تأخرت = لين امتلت بالغيض وابعد نياها
يوم اقبلت لك بالوفا كان بكرت = قدام تجزاك السنين بجزاها
ليتك معي قدام تقفى تشاورت = قبل تلوعك الليال بعصاها
واليوم فات الفوت وانته تطيرت = ما ينفع المفجوع زايد لغاها
اصبر وانا مما جرالي تصبرت = كم واحدن له قصة ما شكاها
ان جاد لي محبوب قلبي تشكرت = وان قال أبي فرقاك قلنا عساها