إلى الشاعر غالب رشيد المطيري:
رجلي مريضه يابو نواف = تشكي على الله مشاكيها
في ما ماضى تبدي المشراف = واليوم بالمشي أداريها
مسموح يابو ثمان رهاف = لوعني العين تغضيها
العام تضحك لنا بانصاف = وأغلا سراريك تبديها
واليوم عني تصد خلاف = مقفي والأبعاد ناويها
يانيرتن من ورا الصراف = يزعل إليا قلت بعنيها
يا غالب اسمع ورد القاف = جاك الخبر وانت قاضيها
جواب غالب رشيد المطيري على الظمني.. يقول غالب:
ماباس ياللي شكيت خلاف = رجلك عساالله يعافيها
تسلم عساها من الأصداف = ويرتاح بالنوم راعيها
رجل لها بالشرف ميقاف = دروب الشكاله سعت فيها
يوم العذارا يجن رداف = تختار ماكنت باغيها
واليوم درب الهوى ينعاف = تفهم وتعرف معانيها
دور المهبل ودور اسراف = على التلفون يوذيها
مهبل والعقول خفاف = كنك عن الطيب حاديها
يفداك من كثر الأحلاف = دروب الرجوله مخليها
وسط المجالس يجيب اصناف = يذبح ويصلخ بتاليها