رد شاعرنا مفرح على قصيدة الشاعر غنيم: خط لفاني من رفيق قنوعي = دايم على الخفرات قلبه ولوعي ماني بلومه في حسين الطبوعي = عسا من يلومه ينتقل داه برداه القلب ما ينسى ظبي الفريدي = ما تقدره دايم جروحه تزيدي ما يستمع للناس لو كان نيدي = مولع مع اللي مونس حر فرقاه القلب ما يصبر عن المودماني = إليا تذكر حب صافي الثماني أحلق هوى قلبك ترى العمر فاني = لا قال هذا الدرب حاذور تعصاه لا قال خل الرجل تمشي سريعه = عليك بالله لاتضيق الوسيعه إطرد ورا ما قال لك لا تضيعه = عسا ما يود القلب ياغنيم تلقاه يفلجك راع الحق مااحدن يكوده = خلك مطيع له وضمد لهوده ثم احرسه لاحدن يجي في حدوده = ترى القلب ما يرضا ليا دش بحماه وان كان في غض النهد زود فني = وانته تشوفه في هواك متعني عسا عيونك عنه ما يرمشني = يجي في محلك او انت تفرح بطرياه وان كان في طرد الحبيب متواني = اقصب رشاك وعنه رد السواني اما سكت وإلا يجي علم ثاني = يبين لك ما بالقلب وتشوف مبداه الله يوفقك الحبيب على خير = مدري مع الأجانب والا مع مطير واليا حصل لك لا تحسب المخاسير = سلوم العرب م واحدن جاك ماجاه الجادل اللي زين دقت وشامه = ان ما وصلته قبل يمسك صيامه من شافها ماهو بويا السلامه = الله يزودك السلامه من أتلاه وان كان شانك ما يوافق لشانه = الله يعينك في مبادي زمانه كم واحدن قبلك خذنه رهانه = الله حسيب غنيم فيمن تبلواه لو كنت اضوي بالمثايل واسرح = ما ينفع المفجوع كثير التبرح حنا نضوي والحبيب يمرح = وراع الهوى مجبور يتعب مطاياه عز الله ان الحب كلن يريده = احدن لقابه واحدن باد بيده العمر يفنا والليالي جديده = لو اهني اللي لحق فيه مشهاه اصبر وراع الصبر يرقا سنودي = مالك ومال اللي تعدا الحدودي بدو تنحو في ديار السعودي = يبون الربيع اللي ورا العرق مرعاه |
||||||
| vists | copyrights slogon | online crap |