رد شاعرنا الظمني على مبارك السبيعي..: يامرحبا اعداد ماسايل سال = باللي ضميره لاعه الحب لوعي كما يلوع العشب حر اشهب اللال = لاقفا نداه ووقفن الرجوعي يشكي من اللي خدها يشعل اشعال = اللي عليها هل صافي الدموعي طفل عليه مغوزر الدمع هطال = ذعذع هواه وبالمحبه رثوعي خلا مبارك بين الاقفا والأقبال = قلبه على زين الوصايف مزوعي عندي خبر طرد الهوى يشغل اشغال = راعيه يكفخ مثل طيرن ولوعي انا اشهد ان الحب ياناس قتال = من دش به يصعب عليه الطلوعي قلبي على لطف الحشا يعول اعوال = اعوال ذيب مالقاله نجوعي مليت من كثر العنا والتولوال = ماعاد أميز سجدتي من ركوعي خمسة عشر عام على يمين وشمال = طول عذابي والفؤاد مهلوعي أسهر إلى نامو كثيرين الأزوال = ومن حسرتي مخدتي راس كوعي كم طيب من حبهن يرقل ارقال = هذا تعشنه والآخر قدوعي وقيس الملوح صابه جنون وهبال = عقب التكانه صار عقله خلوعي عثب المعزه هام مابين الأدغال = مجنون من كثر العنا والفجوعي وبصري نقض حجه عقب حج الأنفال = اخلص لمن خده سوات الشموعي طش الحرام وقال خلوني اكتال = وارشح ثمانه والنبي لي شفوعي هذا كلام الصدق والصدق ينقال = ماني من اللي في كلامه لموعي والناس فيهم بين مبغض ودجال = عن صيحة المبلي تصك السموعي بعض العرب للمخيطه يهذل اهذال = والا على درب المراجل خثوعي دايم على شذب العراقيب خيال = شينن نباه وبالمجالس لسوعي وانا عوينك يامبارك بالاثقال = بالجاه وإلا صافيات القموعي انكانها بالمال لاسوق مانال = منك الولد وانا علي الدفوعي واعطيك ما املك من دنانير وريال = وانخالك اللي يلبسون الدروعي وابيع لك روحي على غير دلال = واقول ياشاري تراني بيوعي ماودي إلا رضاك ياشبل الأشبال = وفي شاية الله ماتجيك الهزوعي اضرب على الكايد الى حدك الجال = وانا لعسرات البلاوي جروعي واقبل تحيات المحبة والاجلال = عداد ماهب الهوى بالقشوعي وصلاة ربي عد ما حل نزال = على نبي جاب خير الشروعي |
||||||
| vists | copyrights slogon | online crap |