إلى خاله صنيهيت بن متعب بن شرار المطيري:
صنيهيت ندمح زلته لو يزلي = مايلحقنه عايبات الشواذيب
افرح إليا جاني وشرف محلي = وانا إليا جيته لقيت التراحيب
صميد عن من رفقته ما تملي = طيبه قديم وزاد طيبه على طيب
من روس شوخن يحتمون المتلي = على ظهور الخيل مثل القصاصيب
خيالهم بالمعركة ما يذلي = والراد لو قدمه رمات معاطيب
شرايره يشعون ذود المفلي = سقم الحريب وللضعيف معازيب
انا بناخيهم وهم مخوللي = وأفخر بهم وانا من الجد بصعيب
فأجابه خاله صنيهيت بن شرار بهذه الأبيات يقول:
يصح قول اللي حديثه يسلي = اللي بقربه ماتشين المشاريب
زعيم ربعن كلمته ماتزلي = يعرفونه الأصحاب هم والاجانيب
غيثن على ربعه ثعوله تدلي = لاكلب الشارب وجتهم مطاليب
من زار ديوانه حشا مايملي = حلون نباه وكاملن بالمواجيب
ان رحت غالي وان لفيته يهلي = في مجلسن مادنسوه اللواسيب
ولاني بحال اللي علومه اتجلى = حساس نساسن علومه هذا ريب
***