إلى الشاعر محمد خلف الخس: يابن عمي شغل الهاف قدامي = لاتخوفك الليالي ومسراها ذب خشم طويق مع ضلعه الزامي = كل نفس رزقها قدم يمناها واخسارة مقعدي سبعة أيامي = بين ناس ما عرفنا نواياها ناس لو تحلف وتكتب بالاقلامي = ما يبريها النبي من خطاياها احسب اني عندهم شيخ ضرغامي = غرني ضحك اللحا مع ثناياها يا ثلاثة لو عليكم رما الرامي = قلت جعل الروس تفقد مصلاها ما عربكم بالصحن عيش ويدامي = حربة روس الأجانيب تفراها من غلاكم صايرن مثل الأعلامي = كل موجات المحبه فتحناها قدمكم في مركز الطيب خدامي = والعواجه ضدكم ما مشيناها مادريت ان اللغم حدر الأقدامي = لين هزت نصف جسمي شظاياها هزتن يفرح بها لايمن لامي = لو حسبت حسابها ما شكيناها طالت السيره على الغيض كظامي = خمس مرات تجينا وننساها تبت توبة مجرم عاف الأجرامي = باع نفسه عند ربه برجواها ما نصاحب لو بقينا مية عامي = لين تشرب تربة القبر من ماها لو نبى نحصي المعارف بالارقامي = صاحت الاقلام من هول ماجاها مع رجال الطيب ماني بلوامي = نحشم العين العزيزه ونرعاها ليت ابو ماجد معي يحمل اوهامي = يوم روحي غيضها شتت رضاها طيبن لو نام سرحان ما نامي = مزبن الشجعان في يوم قصواها ماعلينا كان راسه لنا دامي = رايته في كل عالي رفعناها وانت يابن شريم لك عشرة انعامي = وقفتك يابو محمد شكرناها باعلي رد الخبر وابهج الضامي = بنت ابو زيد الهلالي تركناها زوجوها ياهل الميسم الحامي = واشبعوا من خيرها عقب عفناها عفة ماهي معيبه ولا ارغامي = مير عنها وقفوني دناياها بنت من يثني ورى كل مرزامي = والسبايا منه تشكي هواياها مركبي بالموج والموج عوامي = والسفينه والي العرش يقداها لو جليل الملك يعطى أمره السامي = كان دانيها يفلس بدنياها والفرج في يوم هبات الانسامي = كم حقيرن شالته فوق علياها ان ربض حظي عسا ينتهي زامي = نلحق اللي بالمقابر دفناها اشتكى للخس ماعاد انا كامي = طيبن روس المراقيب عداها فزعتك يابوخلف تفتح الجامي = وان تركت اخوك روح بعمياها ما نوينا بالعرب قطع الارحامي = سيرت الماضين نمشي بممشاها والأوادم روس واعيون واجسامي = والحضيض اللي عن الميل يقداها واسمحو لي ياشريفين الاسلامي = كل شاة ذيبها في معشاها |
||||||
| vists | copyrights slogon | online crap |