من أقدم القصائد التي نظمها في حياته كان عمره
لا يتجاوز السابعة عشرة حين نظمها بسبب خلاف عائلي:
يقول منهو يصخر القاف بالحجر = من هيتن شبت على الكبد نارها
مالوم عيني لو تجافت من الضرر = كثر الدوا ياناس يبدي عوارها
ياراكب اللي سبق شيهانة الوعر = أسبق من اللي نزلت في مطارها
سواقها شاطر ومن سوقها خطر = يركي عليها لين يقدح شرارها
عساك يالمندوب توصل لي الخبر = ربع من الأجناب شاعت أذكارها
الكل منهم راح ما مني اعتذر = والرفقة الزينة تعدو جدارها
جتني محفيه وحداني الدهر = ولا تنقبل ربع جفتني ديارها
خطية يشهد بها غايب النظر = تشهد بها عقيلها مع صغارها
والله يالولا الحكم مع فجة النحر = لا صدر اليمنا وأعدل يسارها
لو كان وقت اليوم ما ينفع الظفر = خلا الحباري وامنه من حرارها
دور يخلى الذيب يمشي مع الجعر = تفرس له الضبعة وياكل سوارها
دور به الأنذال تروح متجر = تعرض عن الواجب وتربط صرارها
تشابهت لاشك يم الله المفر = أزريت أميز ليلها من نهارها
دنيا تحوش الناس بالبر والبحر = ماينعرف عمارها من دمارها
خلت هل البوش العفر تنزل الهجر = تبيع ناقتها وتشري حمارها