أخبارنا يا ربع ما ونستنا = القدس تبكي والضماير حزينه
تهدم كارمنا وتذبح أمتنا = اللي جريح والذي ساجنينه
هذي فلسطين الحبيبه نختنا = داسو كرامتها الوجوه اللعينه
ارذال خلق الله طغت وفتنتنا = الطفل يصرخ والأبو ذابحينه
الغرب لأهداف العدو سخرتنا = والكل منا غايب عن يقينه
تشكي على امريكا وهي ضاربتنا = بالصوت والمدفع ونار المكينه
اميركا في بحر المظالم رمتنا = وريغان يرفع بالعداوه يدينه
ايدي خبيثة للعدو سلمتنا = والحقد وسط قلوبهم غارسينه
والكامب ديفد يا عرب خسرتنا = ضاعت على الاسلام فرصة ثمينه
ارض العروبه وارضنا اللي غذتنا = وطابها صهيون شين الرطينه
عمسين الأريا بالحكى فرقتنا = وحنا خوان وخصمنا عارفينه
يامة محمد ليش نمنا ومتنا = والقدس تهدم بعد كانت حصينه
الأنبيا واقوالهم علمتنا = عدو رب العرش دوسوا جبينه
وش عذرنا وان كان حنا سكتنا = والله موصينا على نصر دينه
صفو يد وحده لنصرة خوتنا = واعطو القيادة لليدين الأمينه