عسعس الليل وخلي البـال غيـر العـاده
والقصايد غير والموضـوع والوجدانـي
القلق هـو وقصيـدي والقلـم ومـداده
لو كتبني ماقدر فـوق الـورق يقرانـي
كان كل الشعر في ريـم ومحبـه غـاده
بس شي جابنـي غيـر الـذي ودانـي
المهيل ما يداوى الـراس شـرب قنـاده
خاثرالفنجـال الا شقـر بنـه الخولانـي
والسهر فالعين لحظه مـا غفـى جـلاده
وغيرت الأيمان فالمؤمن وعدهـا حانـي
ياقصيدي ناد أبو الطيـب وطرفـه نـاده
النضال بشعرنا هـو أضعـف الأيمانـي
دام كلً رد سيفـه فـي جـراب غمـاده
السلاح اللي بقى إلنـا كلمتـي ولسانـي
ويا حبيـب الله يالمختـار بيـن عبـاده
قم فأنـذر يـا محمـد منـزل القرآنـي
للضمير الحـي ولكـل العـرب والقـاده
نسـأل الله الثبـات وطاعـة الرحمانـي
الغذاء للـروح قولـه والفـواد سعـاده
وكل شيٍ غير وجهـه لـو يعمـر فانـي
خص في وحيه نبيـه وألهمـه فأمهـاده
خاتم أزكى الأنبياء وأتلى أشرف الأدياني
ألف صلى الله عليه بدعوتـه وإرشـاده
وألف صلى الله عليـه وخلقـه الربانـي
وألف صلى الله عليـه بكـل طيرإنشـاده
وألف صلى الله عليـه وسلـم العدنانـي
سيرتة عطرة ولا نحصي جميـع أمجـاده
ومالنا عزه بـدون المصطفـى ووطانـي
الورع والديـن دينـه والجهـاد جهـاده
أنصره ياللي بيدك النصـر رب الجانـي
في زماناً صاروا أبناء المشركين أسيـاده
من نبيك يسخر أكبـر شعـب للثيرانـي
أفترى الكافر بكفـره فـي تمـاد إلحـاده
اليهودي طامـعٍ فينـا مـع النصرانـي
وش بلا الأسلام في ثياب السواد حـداده
كن ما في الأرض ( عدناني ولا قحطاني )
ما خذل تاريخنا الأ من عربنـا أوغـاده
ولا بقى من مجدنا الأ ( كان ياما كانـي )
أصبح المسلم ودينه صيدة اللـي صـاده
في غياب الحق ما يوجد ضمير إنسانـي
من عليه يهـون دمـه وأمتـه وبـلاده
باع دينه وأعتنـق ديـن ٍ بدالـه ثانـي
وعادة المسلم على أسلامه يحـث أولاده
والتهـاون ذل للمسلـم مـن الخذلانـي