يوم السحانـي يعتـزي حنـا منجيـن الطريـد
اولاد ناصر لابتـي يـوم اللقـا سقـم الخصـام
مـن روق(قرنـه لابتي)(والقرنه)افهـم يالبليـد
انا احمـد الله وافتخـر حنـا مروّيـة الحسـام
اليـا زبنـا المعتـدي مـن يطلبـه لازم يحيـد
محدٍ تجـرا ياصلـه حنـا عضـوده فالزحـام
امزبنيـن اللـى هِـدر دمـه وذا علـمٍ وكيـد
مافيـه سلـم ٍ يحتميـه ولاخـوال ولا عـمـام
كل ِ تبرى منه فالشـدّه.. لنـا الخالـق شهيـد
وجته النصيحه وامتثل ثم جـا ويقفـاه العسـام
والسلم الاول مانفع في صد مـن جانـا وحيـد
ثم سُن له سلـمٍ جديـد وكـل ركـنٍ لـه مقـام
ورث الجدود الأولـه للشايـب وشَـبّ و وليـد
اوجيهنـا وسيوفنـا فـي ذروة المجلـس سنـام
ماقلـت زور بمنسبـي ولا اتنومـس بالقصيـد
هذي حقيقـه قلتهـا والبـرق يكشـف فالظـلام
واليا اعتزيت الثانيه مزحم لـي الركـن الشديـد
ان صاح صياح الضحى جولك هل الفزعه شمام
واليا اعتزيت بروق جوك امجدّعت روس الضديد
اولاد روق اللي ليا ثـارت رحـى الهيجـا ولام
والعزوه الهيلا ليا استفزعتهـا لـي يـوم عيـد
في شمس قيض القايله عن حرها صاروا غمـام
في ماقفي ولماقفي صخرت انـا حـرف النشيـد
يالراوي اسمع جابتي وافرّق حلال ٍ مـن حـرام
مانيب من يزرع فتـن ويفـرّق الجمـع العنيـد
ويفـرّح العـدوان يـوم الكـل يبغـى الانتقـام
كل المراجع في يدي واقول زيـد ابـن اليزيـد
اعرف مفاهيم العـرب واللـي بعقلـي مايـلام
اللي مشوه الأوليـن امشيـه واعزومـي تزيـد
واليا اجتمع بحر ونهرمن برزخه فـرق الطعـام