الخنجـر اللـي فـي يـدك أجـزّت لــك الله مـرقـدي
وشلـون تسمـح للخنـاجـر فــي يــدك بخداعـهـا
مـن ينـدب الحـظ الـردي جوابـه ابـشـر بسـعـدي
وراك مـا اخـذت الـحـذر حـتـى تـحـد اوجاعـهـا
صرنـا نهيجـن عقـب مـا كنـا علـى الخيـل نحـدي
ياللـي غفلـت الذاهـبـه مـافـاد وصــف اتباعـهـا
اسهيـل شفتـه والجـدي فـي ليـل عبـر المـرصـدي
يـا مكثـر انجـوم المـجـرّه كــل لـيـل إشعاعـهـا
لاصحابـنـا واصحابـهـم صـدقــان والا ضـــددي
اثـبـت عـلـى مـبـدا الأزل لجياعـهـا واشباعـهـا
ليلـي وليلـك لـو يطـول الـقـاف لـيـلً سـرمـدي
ونساهـر البنـت البتـول الـلـى تـطـق اصباعـهـا
مـا كـل دربً ينمشـى ولا كــل ورد اثـمـر نــدي
ولاكــل درّه فالبـحـر يجنونـهـا مـــن قـاعـهـا
إليـا اقتـدى وان مـا اقتـدى النـار وسـط المـوقـدي
يـوم النصيحـه تنشـرى عٍِِملـة بحـكـم اوضاعـهـا
الـعٍـد صــدّر مـنـه ذاك وذاك صــار مـــورّدي
والطـق مـن كثـره يفـك لـحـام فــي مهجاعـهـا
لـو جـات لـي منـك النصايـح قلـت لـك يامسنـدي
والا نقيـض الاجـودي لـو جـات لـه مــا ذاعـهـا
والـى اللقـاء حـرف ابجـدي نظـم القوافـي مجنـدي
ان شدنـي حــرف القصـيـده زدت مــد لصاعـهـا