هات القلم ياصـاح والحبـر والبـوك
وإحذر يبيح الحبـر واتبيـح الابـواك
لاصرت في يد وقتي الشين ممسـوك
ابـا اتمثـل بالعنـا قـبـل ..الادراك
واشد لـي قـافٍ رفيـعٍ ومسمـوك
واغلق مجال الهرج عن كـل نمـاك
ياقاف انا بحماك عن كـل صعلـوك
لوكان مانـي بـااول انسـان غنـاك
قدمي رياجيل على الـدرب مشـوك
واليوم خاويتك وابا امشـي بممشـاك
مـادام رافقـت النشامـا وخـاووك
وبين لي التاريـخ مشـوار ذكـراك
ابا ارسلـك ورسالتـي شوفهـا دوك
خذهـا وسلمهـا لمقـحـم بيمـنـاك
وليا استلمهـا همهـا عنـك متـروك
ليل استلمهـا منقـع الطيـب كفـاك
وقله تراني من عنى الوقت مشبـوك
وقتٍ امشيني علـى شايـك اسـلاك
وقتٍ من اسبابه وطينا علـى الشـوك
واليوم حالـي كنهـا عـود مسـواك
من وقتي اصبح قدمي الباب مصكوك
حتى البشر مع ميله الوقـت تجفـاك
الناس لاشان الزمـان ابـك لامـوك
من غير لايدرون عن سـر دعـواك
واليوم يـوم ان المناديـب وصلـوك
ابغى المعونه منـك والعلـم ينصـاك
قلي عسـى رايـك سديـدٍ ومبـروك
وانا اقتنع في راي مثلـك وشـرواك
لاشان وقتٍ واكثـر النـاس نسيـوك
واختل وقتك واختلـف سيـر دنيـاك
واللي قريب منـك صـدوا وخلـوك
من بعد ماهـم مـن يمينـك ليسـراك
واغلى رفيق اكمل عدد مـن تحـدوك
ويجامل لغيـرك ولاهـوب يرضـاك
وش هي سواتك ويش حلك وانا اخوك
لاشفـت بعيونـك ميـولٍ بالافـلاك
عسى احلولك تعجب اللـي تنصـوك
واتصير خير لمن وقف لـك ونـاداك
وانا مع اهل الطيب بالطيـب مملـوك
ملك الوفا ماهـي عقـارات وامـلاك
واولهم انـت اللـي مناديبنـا جـوك
ولولاني اطمع فيك بالطيب ماانخـاك
بالطيب لك وقفات مافيهـن اشكـوك
وابيـات شعـري قـررت ماتعـداك
والمعـذره لاهنـت ورسالتـي دوك
والحـر تكفيـه الاشـاره بمعـنـاك