ياللي تحاول بدون اسباب هجراني
لاتجرح كفوف خل للغلا شالك
في داخل القلب والله ما معك ثاني
لو شفت غيرك صدوق الود يبقالك
تبقى حبيبي ولو تزعل وتجفاني
وتبقى بقلبي كبير ودايم لحالك
الليل بعدك ظلامه طال واشقاني
والفجر نوره تعذر يطلب وصالك
لو تدري الشوق بعدك وين وداني
ماكان والله يمر البعد في بالك
الشوق ناره على بعدك تحداني
هو صدق جرحي حبيب الروح يهنالك
قل غيرها وإن طرى تسأل بتلقاني
ناظر بجنبك وقلي منهو ظلالك
تبقى حبيبي ولو تزعل وتنساني
ياكثرهم في عيوني وانت بلحالك