مادامت الخوه ولا الرجله على راس الفسـل
يقطعك ياوقت ٍٍ يغيـر فـي الرجـل هويتـه
بعض العرب في المرجله ياناس والله منتحل
شخصية ٍٍ ماهي ترى بلمرجلـه شخصيتـه
وقت الرخي يعجبك في هرجه يقول انه فحـل
وإذا بدا لـك شـان جاتـك بـارده حميتـه
ماكل طير ٍٍ حط وكره ياعرب فـوق الجبـل
وما كل شاعر بلشعر يزهـم علـى جنيتـه
بعض الطيور منزلٍ وكره ياعالـم بالسهـل
وبعض الشعر ليما نوزن مكسورة ٍٍ قافيتـه
ماكل/ رجل ٍٍ يحتمل ياناس في شيـل الحمـل
ولا بدوي ٍٍ شال حمله مـن علـى مطيتـه
ولا الكفو طبعه كفو مثل الحصان اليا صهـل
يعجبك لادبـر ويعجبـك الكفـو فـي جيتـه
ولا الفسل طبعه نذل يجيك في طبعـه خبـل
يجيك لابس غترتـه مـن فوقهـا طاقيتـه
لايعرف الزله ولا يعـرف مشاريـه الزلـل
عنده خلـل فـي فكرتـه مختلـة ٍٍ نفسيتـه
وشف بعضهم بلمعرفه حلحيل صعبات الحلل
وذا فزع في فزعة اليامـي علـى ياميتـه
كريم وافي جامع ٍٍ يامحمـد ٍٍ كـل الخصـل
مصـادق ٍٍ زود الكـرم والمرجلـه خويتـه
وحدٍ ترى خوة علـه يامحمـد مـن العلـل
لايعرف المخطي ولا يـدري متـى خطيتـه
وذا خطا ما ينثني وذا حكـى جـاب الهـزل
في الحق ماعمره ترى نـزل لهـم جنبيتـه
فلا تخاطب الجاهل لانه زايـد ٍٍ فيـه الجهـل
تجاهله لانك تـرى مـاراح تسلـم سيتـه
شوف النحل وش تعتقد تلقى من إبطون النحل
وشوف الحرير اليا انطوى تعجبك والله طيته
ونا بقايا شاعرٍ وقف علـى النهـر الجـزل
شاعر ويرسم بلمشاعـر والشعـر قضيتـه
فياقلب لاتطلب بخيل ٍٍ حاجتـك عنـده امـل
لن البخيـل يجيـك عـذره جاهـز نطقيتـه
يالله طلبتك ياكريـم ٍٍ فـي صلاتـي وابتهـل
راسي ياربي ارفعه وارفـع معـه جاهيتـه