طــال إنتـظـار الـدلـو ياجـمّـة الـبـيـر والـمـا يـمـوت وحـبـل الايــام جـايـر
وانـا تعبـت مـن الصبـر والمشاويـر لـيـن الـقـدم خــاوت دروب العـثـايـر
مشت على جمر الغضـا والمساميـر واثـــر الـحـيـاه مـربـعــات ودوايــــر
وخـطـوط حـمـرا للـرجـال المناعـيـر مافـرّقـت بـيـن الحـضـر والعـشـايـر
والصبر زين وكـل مطـرود فـي خيـر ملحـوق لويسـري علـى جنـح طايـر
لكـن صبـري يازمـن غيـر فـي غيـر مااصبر عن الماوالعطش فالضماير
عمـري سنابـل والدقـايـق عصافـيـر تاكـل مـن ايامـي وانـا امـوت حـايـر
إنـشـد ظــلام اللـيـل كـيـف البواكـيـر تـنـزل عـلـى قلـبـي وتـالــع صـقـايـر
صـارت همومـي عنـد قلبـي طوابيـر مــن سـبّـة الفـرقـا وبُـعــد البـشـايـر
واحـزان قلبـي بيـن جـهـم ومغاتـيـر ترعى مـن القلـب الخضـر والعبايـر
وانـا انتـظـر مـثـل المـوانـي بوابـيـر وافـــلّ حـبــات الــخــرز والـسـتـايـر
وارسـم مضاليـل الهـدب والمناخيـر عـلـى الـزوايـا باصـبـعـي فالغـبـايـر
والله لـــو عـنــدي جنـاحـيـن لاطـيــر وانزل علـى عشـب وغـرام وظفايـر
وارد عـلـى منـهـول ســت الغنـاديـر والـمّـهـا بـيــن الـجــروح الـغـوايــر
لـكــن وصــلــي مـالـقـالـه مـعـاذيــر وافـراقـهـا مـثــل الـذنــوب الكـبـايـر
مـااقــول غـيــر الله يـلــمّ المـنـاثـيـر ويـصـبّـر المـكـسـور نـيــل الجـبـايـر
دام إنـتـظـار الـدلــو يـاجـمّـة الـبـيـر للـمـا يـمـوت وحـبــل الايـــام جـايــر