فهد السلمي
ياهاجسي سل شعر الطيـب لـي سلـه
ونقى جزيل الكـلام الـي علـى بالـي
وبني بيوتك وخـذ مـن هرجنـا جلـه
وترجـم معـانٍ لهـا بالقلـب منزالـي
وكـون كلامـي قصيـدٍ يبـري العلـه
ثم ارسله اللذي فـي حسبـة اخوالـي
انصى من الناس شيـخٍ قصـره ادلـه
قصرٍ على الطيـب مبنـي أول وتالـي
انصى الرياحي ابن منصور فـي حلـه
شيـخٍ لـه المجـد منـزالٍ ومدهالـي
نسل البقوم الـذي فـي علمهـم كلـه
فعلٍ ينومس وقـول ان جـت للأقوالـي
ذباحة الحيـل وأهـل الطيـب والدلـه
وأهل المواقف وعلى العـدوان زلزالـي
زبانـة الـي يصيـر الوقـت ظـدلـه
ويعدلـوا الـدهـر لاصــار ميـالـي
وان صرات انا امدح فهم للمدح وأهلـه
وأمـدح انـا كلهـم رجـال رجـالـي
ياهاجسـي لاوصلتـه سـلـم وقـلـه
سلام لـك مـن فهـد ياطيـب الفالـي
ياشاعـرٍ لـو وصفـتـه بالبـحـر لله
انت البحـر والبحـر يلقابـك اضلالـي
شاعر خليج العرب والشعر هو من له؟؟؟
إلا انت وربعي ومـن مثلـك بالأفعالـي
حيث إن نهجك علـى التوحيـد والملـه
وتـوزن كلامـك بميـزانٍ ومثقـالـي
وترفع بيوتك عـن التجريـح والزلـه
وحتى كلامك يجـي مـوزون وجلالـي
والقاف لاصار عاصي غصـب ينزلـه
ويحـول المـر فـي القيفـان للحالـي
ثم ترسـل القـاف للشعـار مـن حلـه
بيوت مثـل النيـازك تشعـل اشعالـي
ياشاعرٍ من سمـع شعـره فـلا يملـه
لك من بني سليم وقفة طيـب وجلالـي
يقولـه الـي تشـرف يومـه ارسلـه
وانا شرف لي اراسـل مثلـك وغالـي
شخصٍ يعزك وحبه لك تـرى مـن الله
ياللي مزجت القصيـد بذوقـك العالـي
فيصل الرياحي
ياحي مـن بـان للقـاف وتبيّـن لـه
هديتـه غاليـه مـن سوقهـا الغالـي
شوارد الشعـر ناداهـن وشامـن لـه
قالـن سـلام وتحيـه يابعـد حـالـي
هذا الصحيح وهذا قولـي علـى حلـه
منطق فهد مثـل ذوب السكـر الحالـي
وجه لي البيـت يومنـي رفيقـن لـه
يمـدح رفيقـه وهـذا سلـم الأبطالـي
مدحـه يشـرف ولـو مانـي بقدلـه
ماشفـت نفسـي كبيـر ولايـورالـي
ماندعـي بالكمـال ولانـهـرول لــه
هاذي صفه من صفات الواحد الوالـي
ياطيّـب الأصـل يـاراع الوفـا كلـه
أشكرك مأمطر مـن الأمـزان همالـي
ياجارنـا اللـي طلباتـه يهونـن لـه
على النقـا والوفـا والمذهـب الغالـي
يهمنـا رضـاك ، نتعـب لـه ونبذلـه
مانملك من العلـوم البيـض والمالـي
وسليم قيـفٍ عريـب وينعـرف دلـه
والله ونعمٍ بهـم فـي كـل الأحوالـي
بيت الشهامه يظلـل مـن دخـل ظلـه
وبيت الرخامه خفيـف ولالـه ظلالـي
مواقـف سليـم معـروفـه بـالأدلـه
أفعال ماهيـب سـرد علـوم وأقوالـي
يالكاسـر الأول أنـت العـرف تحتلـه
من روس ربعك ولابه شـك وجدالـي
هذا الكلام الصحيح ، اللي نبرهـن لـه
قالوه كـل العـرب ، ماقولـه لحالـي
الرجل ماينطق إلا الصـدق ، وأجملـه
الصدق له فالعـرب تقديـر وإجلالـي
وأرجو السموحه عن النقص وعن الزله
ياجالب الغاليـه فـي سوقهـا الغالـي
قال الرياحي ، وأخذ قولـه وسلـم لـه
على سليـم الكـرام شيـوخ وعيالـي