فيحان بن سلطان الشغار
ياعبيد ماعنك خافي طالت السيره
النفس عن شفـّها ياعبيد قاهرها
جاملت لاجل الحسب والناس والغيره
والربع الاصحاب مطلع من مشاورها
ولو طـّول الوقت صعب يزول تأثيره
حيث ان الاسباب ماواحد يبررها
بعض المثايل عليـّه حل تصويره
اصبحت انا راعي التجره وتاجرها
وش حيلة اللي بدى نقضه بتعميره
غلطة عمر من كتب في اللوح سطـّرها
واليا تمعنت وضعي هان مع غيره
الله يجبر عزى القصه وشاعرها
ياعبيد من حـّول الدينار للـّيره
له نظرة ٍ ترهب العالم مخاطرها
لاتكره الامر يمكن في الامر خيره
يمكن يجي للبضايع من يسعـّرها
للوقت مع دورة الايام تدويره
نشكي اليالي وبعض أيام نشكرها
رد الشاعر عبدالله العطني
نادر ومن ماكر الخمسه مواكيره
يوم المراجل تقيـّس من مواكرها
قد قالها من حمد راسه تدابيره
اللي سبوقه على الفيضه محاجرها
فيحان فكره تسامى وانقطع سيره
وادرك ثلاث وثلاث قبل عاثرها
كم واحد ٍ ساق رجله مع سنع طيره
واجزل مكاسيبه اللي قبل خاسرها
من ظيـّرته الليالي لاتجي ظيره
خلـّه وكاسر ليال الوقت جابرها
وراسي لمسته بعد ماصابني ذيره
من وقت امحق وكف ّ الله ماطرها
الوقت ياصاحبي شر ّه غلب خيره
وقلوبنا خالفت دعوة منايرها
ومن غاب عـّود بلا فيزه وتأشيره
وكل ٍ عمر فلـّـته وعبيد دامرها