عفى الله عن مافات ياغايتي ومناي
ابفتح معك صفحه جديده على شانك
ولاعاد رايح وين والا منينك جــــاي
خلاص انتهت قصة عذابك وحرمانك
ابى اصير لك دنياك وتصير لــي دنياي
حرام ٍ عليه حـــرم لاشتت احزانك
يكفيك ماشفته مع الوقت لجل ارضاي
ويكفي دموع ٍ سـاقها محجر اعيانك
على مواصلك ياروح روحي قطعت الراي
ابرويك حـــب ٍ لينها تثمر اغصانك
يا اخر محطات التلاقي ويا مرساي
ابقبل مثل ما اقبلت من كــل وجدانك
ولجل اثبت انك غايتي جيتك من اقصاي
ابى اشم وردك واقطف ازهـور بستانك
ولامن سريتك ليل ياماحلا مســراي
امــــــر برسومك بين حيك وحيانك
يهدل الحمام ويطرب السمع عزف الناي
وذوب اشمــــوعك واتدفى بنيرانك
الا يالكريم اللي تسابق اخطاك اخطاي
غنيك غني ٍوافقر الناس فقرانك
انشهد شهاده رحــت انا منك بالبيباي
ســــكرتك قبل لا ذوق توتك ورمانك
يابلسم جروحي ياسبب علتي وادواي
احبك . واحب اسمك . ورقمك . وعنوانك