قلت من قلبك تحبني و اكتشفت انك لعوب
ليش تتلاعب بقلب ٍ طاوعك رغم العذاب
ليش يالمضنون تكذب ما دريت انك كذوب
غالي قلت الحب واثره عندك برخص التراب
كم تقول الناس عنك ياما عذبت القلوب
كنت اصدق كل كلامك بس ظني فيك خاب
اكتشفت الكذب شرعك من شمالك للجنوب
و الخداع اجمل صفاتك والصفه الزينه سراب
حيرتي منّك سببها و الحزن فيني يجوب
و صدمتي ف حبك كبيره والدليل الراس شاب
لكن الخسران انتَ ما بتلقى من ينوب
في وسط قلبك مكاني حيث كل ٍ فيك عاب
لا تفاخر في عباة ٍ سهل يرفعها الهبوب
يكشف اللي فيك خافي عن عيون الناس غاب
عيب تتمادى بذنوبك بسك من الكذب توب
هذي يا خاين نصيحه تنفعك يوم الحساب
ببتعد والله حسيبي و اعلن بشمسي غروب
لا تحاول في وصالي .. اعتذرلك جرحي طاب