فهد معتوق-ساقي الشوق

يا صديق الحلم ليتك بس ليله تخاصمه
لي متى دايم لقانا يكون من تحت الجفون ؟

كن عيني معْ طيوفك عالشقا متفاهمه !
و الضحيه قلبي اللي تنبض اشواقه شجون

تدري ان العين بَعدك عن نظرها صايمه ؟
غير شوفك يا نظرها مالها غايه العيون

و تدري ان القلب بحر ٍ به هموم ٍ عايمه ؟
في السويدا حرب سوده لو غشى سطحه سكون !

لو تنام الليل عيني .. و الشفايف باسمه
هذا لني معْ طيوفك التقي تحت الجفون

في بعادك خضْت حرب ٍ .. و النتيجه الحاسمه
ما رجع عقلي لمكانه .. و لا رضى فيني الجنون