هذا انـت خنـت العيـش والملـح يامـن..
..تسـب نـاسٍ خانـوا الملـح والعيـش..!!
كنت احسبك..وش احسبك؟!..كنت ضامن ..
..أنك تداري خاطـري لـو علـى ويـش؟!
ماكنـت اظنـك قاسـي القـلـب لامــن..
ضاقت علي وجيت لك.. قلت لي: ((ليش))؟!
وش ليش؟!.. انا مابـي لـك ايّـة تضامـن
مابـي لـك الاضحـكـةٍ كلـهـا طـيـش
مابـي لـك الا ضحكـةٍ لــو تـزامـن..
.. مع ضيقتي .. طـارت همـوم وخفافيـش
ارقـد بهـا عـن غـدر الايـام ( وامـن)
واحيا بها.. مدري بهـا امـوت واعيـش !
واسـجّ فيهـا عـن هـوى كــل طـامـن
وأروي بهـا عـروقٍ.. عليهـا معاطـيـش
بس انت .. خنت العيـش والملـح يامـن ..
.. تسـب نـاسٍ خانـوا الملـح والعيـش!!