عمر الظفيري - هموم القلب

زالت هموم القلب بعد النكاده
وانهد سيل من الفرح والاماني
تغيرت الاحزان صارت سعاده
مثل المطر لامن نزل في مكاني
من بعد ماكان الكدر فيني عاده
اصبحت ألوح للفرح والتهاني
بنيت في قلبي قصورن مشاده
متشيده بالحب للي هواني
حبيت لي غرون ملكني فؤاده
من يوم ماناظر علي ورماني
العين لاسلهم سحرني سواده
والرمش سيفن يذبحن في ثواني
وحجاجها ياناس بالحسن زاده
مرسوم رسمت عاشقن للحناني
الخد قيمر والمعنا حصاده
في فمها لامن يمز اللساني
الشعر خيل وماعليها سياده
يروض اللي بالمحبه غزاني
هذا فتن روحي وربي أراده
يتمكن اللي في هواه ابتلاني