البارحه ماذقت حلو المنامي
طرى على بالي جروح ومصيبه
الصاحب اللي مايطيع الكلامي
قفى وخلابي جروحن عطيبه
خلا حياتي بعد نوره ظلامي
وخلا سنيني بعد شمسه مغيبه
يا طير بلغ صاحبي وش علامي
وش علت اللي مايشوف الحبيبه
ترى حبيبك يالحبيبه يظامي
وجروح قلبه زايداتن لهيبه
قله ترى عينه رثاها المنامي
قله ترى عايش حياتن عصيبه
قله ترى هجره لمثلي حرامي
والمبتلي معذور لوشق جيبه
ان كان ناسينا عليه السلامي
وان كان باغينا عسى الله يجيبه
