الله أكبـر و أول الغيـث نـاريـن
شبت لهبهـا والعـرب أول الـزاد
كن الغضب مقسوم مابيـن داريـن
خيم على ديره وغيـم علـى بـلاد
من صغرنا وحنا بقضيـة فلسطيـن
وهمومنا شابت على اوضاع بغـداد
عجزت تشيل الحمل لين اصبح ثنين
وزادة هموم الناس لين الوهم سـاد
ضاع العمل أيـام وأيـام وسنيـن
وكل لزرعـه يـوم لابـد حصـاد
وضاع الأمل والحلم أصبح عناوين
لكل العرب وأقوام صالح وبن عـاد
الناس تعيد كل يـوم وكـل حيـن
وعويلنا كسـر مجاديـف ألأعيـاد
وجروحنا تنـزف بـدم الشراييـن
هذي مضاربهـا قديمـات وجـداد
لا يا بلاد العـرب لا مـا تهونيـن
لكن الزمن سوى العجايب والازواد
لا بد مـا يجيـك يـوم وتكونيـن
فـي موقعـك قـدام يعـز البـلاد