علي بن سالم العازمي
ياعين ليه السهر والهـم ياقلـب ليـه
والله مايرجـع الانسـان بعـدالوفـاه
انأدري انه رحل قدمـي وأنـا iiمقتفيـه
مؤمن ولابد عمـري واصـلٍ منتهـاه
مير الليالي تمـر وخاطـري مانسيـه
لاني بناسي ولاهو حي وأرجـي لقـاه
في كل ليلـه وعينـي كنهـا تحتريـه
اسامر الليل كنـي واقـفٍ فـي حـراه
اسج وأوحيه يزهمني وألبـي وأجيـه
وافيق من سجتي وأذكر ليالـي عـزاه
وشلون أبأنسى واناللي كل هاجوس فيه
حتى وانا في منامي خاطري ما نسـاه
والله مأنساه دايـم رحمـة الله عليـه
وحياتي اللي بدونه مأعتبرهـا حيـاه
وش هي حياتي مدام أني مأقبّل يديـه
وابسط يديني تحت رجليه واطلب رضاه
وش قيمة العمر ويش اللي بعده ارتجيه
لاصارت سنين عمري ما توفّي جـزاه
مليون رحمه على هاك الجبين النزيـه
وقبرٍ سكن في حماه الله يطيّـب ثـراه
يالله وأنأرجيك يبعث مع كرام الوجيـه
مع صفوت الخلق يامن لاتقطّع عـراه
تحت ظلالك وبالفردوس تحسـن إليه
في موقفٍ تقفل ابواب الدعاء والصـلاه
لاجا نهارٍ يفـر المـرء مـن والديـه
نهار ما ينفـع الانسـان مـالٍ وجـاه
يرجيك من يطلب الغفران لأمه وأبيـه
عبدٍ رفع لـك يدينـه لاتخيّـب