الشــــعر مــــــاجينا نبيعه ونشـــــريه = نهديه هـــــدو للنشــــــاما طــروفه

والمـــــدح مايستاهله غــير راعـــيه = اللي مـــــواجيب الوفاء ماتطــوفه

والطيب حتى في دجاء الليل أهــــاليه = مثل النجــــــوم البينات امــــعروفه

وقائد معاصـــير الدول جيت ناصــــيه = سلطان شوق العيطموس الهنــوفه

شــيخ الشـــيوخ اللي نحبه ونغـــــليه = ويفرح به المظيوم ســاعة يشــوفه

ســـليل مــن داس المــنايا برجــــــليه = وفرض على الكايد مضارب كفـوفه

للضــــــد مـــــايدراء وكـــــــلآ يداريه = والخـــيل لليوم الكــبير امعســــوفه

وحصل وراكان المســــمى حضر فيه = ويام ومذكــر والهــواشم صــــفوفه

شــــيخ وفارس واروع الشــعر بانيه = وكــم جب راس امجربن عن كتوفه

وقحص الرمك ترم الفلا ساع توحيه = وأبطال من فوق السروج امحـذوفه

بطل يبــــارز كـــــل بطل ينـــــاديه = ماخــــــاف أبد الآمــن الله خـــــوفه

حطــم كــيان الترك وأفنـى دواهـــيه = وتشــهد لتاريخه مضــارب ســيوفه

ودربـن يبوجـــه يوم صـــكت نواحــــيه = حلف وباج الدرب عقب الحــــــلوفه

ويصعب على الشاعر من الشعر يوفيه= وحق القلم يصعب على فيلســـوفه

وراكـــان مجده وراثه مـــن مجانيه = وعلــى وريثه وارداتــن وصـــوفه

نعم الحفــيد اللي يفاخــــر بماضـــيه= ويفداه مـــن لايعــترف بمــــعروفه

تاريـــخ راكــان بــن حثلـــين محييه= وآلـــى وقــف كلــن يقدر وقــوفه

وآلى دعـــاء يام العريضـــــــه تلبيه= مــثل الحـــياء تبرق وترعــد قنوفه

ويقدر اللي له حقوق ومشـــــــاريه= ويحــتاط للخــشم المعــاند زعــوفه

ياحضرة الغياب والمجد حـــــــاميه= عـــن العلوم الزايفه والزهـــــوفه

لك القصيد اكبر من الهيض حاديه= جرمن جرت بين القبيله احـــذوفه

مــــاغير رجالـــن برجـــال يكفــيه= ودرب الصلاح امرار تكثر صدوفه

وعلى اي حال اهم علمي وصافيه= ربعن دفنهم قبر الاحـــياء بجوفه

وسلمان له حق الزعل ويش يرضيه= وهو المعزب وانتوا أغلا ضيوفه

واللــــي بجـــاهك يابن حثلين تنهـيه= عنه الشوارب والدقون امحفوفه

والرابــح اللــي واجـــبه مــــايخـليه= وخير المواقف للرجال امخلوفه

والكون ماضــــاقت علينا مســاعيه= ونعرف عراقيب الزمن من قحوفه

والوقت جـــربناه مـــــره وحـــــاليه= ولي الشرف في روحتي والنكوفه

أرد على عـــدن تصـــدر ضــواميه= عد الروى تروى مــئاته وآلــوفه

ميراد من كن اشــهب اللال قــافيه= ولا لي على بعض الموارد حسوفه

لاهــاينن قــدري ولانــي بناســــيه= والحيف ماله حول سلطان حوفه

يفداه مــثبورن دقـــاقــن عـــلابيه= ويفداه مـــغرورن كــبارن دفوفه

والشعر اسوقه لين اشيب قوافيه= وندرك ولاندرك لكلن شــفوفه

وقافن نهجـــرس به وقافن نغنيه= وقافن وراء قلبن همومه تلوفه

وقافن يوصـــلني منهاي اجاريه = مثل الخوي اللي نراعي ظروفه

ونعـــتز بالطــيب وفعــله وطاريه= وكلي قصـــيد ولاعـليه كلـــوفه

واجزل قصيد المدح الاول وتاليه= من كل نبراســن تجلا كســوفه

سلطان بن سلمان بالفعل زاهيه= في فزعته في هيبته في مضوفه

وسلطان والنعم المؤكد مـواليه= أقرب من النقطه على أخر حروفه

يانجل زحزيحن ضمن بين اياديه= الطيب كلــه كــــاملاتن صـــنوفه

وخير العوارف كلمة الحق ترضيه= وارض الحسد بالحاسدين ا مخسوفه

والناس كلــن هــيبته دون عـــانيه= والمـــدح ماياتيب من ومروفه

جاء من ضحى امس اللي تلامع هناديه= والكل باروده ودرجه يدوفه

ونعـــتزبه والجـــيل للجـــيل يرويه= وساس الحقيقه شامخاتن سقوفه

وزعيمنا مجــده من الــزور يغنيه= وعن كل تطفيفن تسارق ضعوفه

لو الكواكب صيد خطفــن وتشويه= راحت انجوم امشوهه ومخطوفه

ونجمن يبن ويختفي مـــــانراعيه= الى بداء وان غاب قلنا ذلــوفه

وتدوم للقطب الهشـــامي ليالـــيه= سلطان مصباح الدجاء من كشوفه

شع ولمع صدرالسماء عز واليه= الله نورن والفلك فــــي كــنوفه

لالــــه شــــريك ولاسمين يساميه= الواحــد اللي نعبده مــــانشوفه