على امـتـان السـحاب العقـربي أمن البحور السود = يقولــون الحيـاء بعد الحـياء مـن غــر الامزاني مــطـــرها والرعد والبرق كـــم فيه الذياب اضمود = قنب الاول وروجـــع عويتـه حتــى عـوى الثاني وكــن حــس المنـادي ضـــمنها والملــح والمثمود = اجـــــاري مـــبدعـــن مـــالعبـها يادان يــادانــي عـليــه امــن المهنـــد والفـرنــد اللي صــنع داوود = ابن حـجــرف ولــد مـــن ذللو تـركي ورومــاني محــــزمــت القـنـازع ربـعنا لاحــك عــــودن عـود = ســلاطين المجالــس جـن فـوق الخيـل ضـفراني وهــم زبن الدخــيل اللي تفــرج كــربت المضــهود = موســعــت الحـــدود اللي تكـافـــــي كــــل دياني ياخـــو بدحــــه تقــول اللي تقــول ومــاعـليكم زود = هــــل اليـــوم الكبيــر اليا احــتما والخــد ميداني وتــرى كـــل القبايــل مـــن قــديم آلها فخـر وحدود = وكـلـن لـــه حـقـوق وكـــل عــودن فيــــه دخاني وســلفــنــا كـلـنـا بـيـنـه وبيــن الكــأيدات أعــهــود = شريفن له خضع راس ابن يوسف وابن سفياني معـاصـــير الــدول حــنا كـلامــن ينهــل القـرهــــود = على الاشــناب يجمد واقـنــع القاصـــين والداني ابديــوان العــرب يام العـريضــه مجـدهم مشــــهود = تذكــــر بالشــــهاده مــــن تناســاها وتنســــاني كـريــمــن مــرنا قبل امس وامس ويوعد انه ايعود = يهدم اقصــورمـن شـيد اقصـورأبدون سيسـاني ولايــتــرك بـقــيـــه مــــن صــليــبــيـه ولا نـمـرود = ولايــتــرك شــيوعـيــه كــفــا الله شــر الادياني بـمـا فـيــها مجــوســيــن وبــوذين وديـن اهــنــود = ويــومــن بالرســـاله شــمل عـبادين الاوثـــاني وحـــنـا نلـتـــزم بالعـــــروه اللي حــبلها مشــــدود = وقدوتنا الرســول الهاشــمي مـن نســل عدناني نفـاد النــمـل لاريــش امـجــرب والخــبر مــوكــود = وانا عـــزي ونصـري لاكتمـل ريشي وجـنحاني أجــاري بالمــعـاني مـــن يعقــد اوينقـض المعـقود = واشـوف اللي يشـوفه والعلوم اشـكال والواني واحد ناسي واحد منسي واحد حاسد واحد محسود = واحد يمشي وراسه في يده في بعض الاحياني واحـــد عـنــد الملاحـق يمنع الطارد عـن المطرود = واحد حاضــر لاكنك ماتشـــوفه لابدى الشـاني اســد في العافيه حصـني اليا شــاهد شــرار ازنود = يحــب الذات حـبن مــا يرده حــي وامـــعـــاني ونجــاة الله وعــونه للشــجاع وكــل جـــزل امدود = وهــو ربك وربي خـــل عــنــك العــالم الفــاني يابو هـادي اليا انتابك مـن احـداث الزمـــان الهود = عسـى راسـي الينـع ينحـذف من فوق الامتاني وعسـى عـمــرن ايدارى هـدر للحـربه وللعـبــرود = ولا ترك الوفــى مــن عصــر جـدانك وجــداني لنا طبــع وســلــم وللـشــريـعه والنــظــام ابــنــود = انجســدها ويخســرها الجبان وكــل خســراني وترى من صــــارع الدنياء بدربين الرخى والكود = مــع الازمــان ينضج بختلاف احـوال الازماني ولاخــوفــن عـلـيـنـا ربــا الله واحــدن مــعــبــــود = قســى الدنــيـاء يـزودنا قســى لـو الحجـرلاني نجــود ابجــود خــلاقــن الاشــح الزمــان أيـجــود = هذا مــن فضــل ربي رغـم عـدوانك وعـدواني وثلثيــن البشــــــر مــاعـنــه لاناشــد ولامـنشــود = وجــوده والعــدم متســاوينْ فـي كل محــياني وترى نطاحت الهيجا على وضــح النقى المجرود = لهم تالي اليا احتجنا امــن العــربان عــرباني ومن جاء من ســمر قند وبخــاره مــايجيب الفود = مصــير امخلفات الحــج تقفي عـنك شــــتاني ولوجنت مليـــونـيـن مــنهـم فـي طـلبـك اجــنــود = عســا الله لايقــوله دام فوق الارض عجماني ترى خـيالت الضــيقا حــمــوها صــادرات اورود = وكسوها ثوب جوخ وعقد ماس وعقد مرجاني وهي ســـلمى ويام اقصى هواها غايت المقصود = على الغبه وفي مقصـــورت اليخت البريطاني إليا تمو شــهر يبداء شــهر بر وفرح وأحـشـــود = مـهــو بحشــود خيال البقر بوش المريكــاني وتجي ليلة ربيعن كنها من وضــح ابن صــاهــود = اوحـــزْبتْــها كـمـا دولــة نبــي الله ســليماني وهــم دولات يـــام اللـي ولـدها يعـــتــزي بجــدود = وتاريخـــه ومــيــزانه يمــيل ابكـل مــــيزاني ويام امن الخليج الــى المحــيط الســيد للمســـــيود = ومـن بحـر العرب للبحــر البيض ظل وكناني آجل ليلـــة فـــرح يام ابن يصــبــى قـدهــا وقـــدود = ملك عرش الجزيره ورث حق ابدون نكراني وحنا نصــرت اهـــل البيت جــند الله نجــــي ونذود = ويام ومذكـــرن وهشـــــام والايــام خــــلاني وانا وياك من راس الشــــريف اقرب نســب معدود = حـزامـن لآل عـبد المطلـب من غير جحدانـي من اصل الشجره اللي غصنها مـــن عرقها منضود = ويسقي عرقها زمزم مثل مسقاك واســــقاني وحنا نصـــرت الدين الحـــنيف أوركّعــنْ واســـجود = لوجــــه الله وحــده لاشــريكن لــه بالابــداني ترى الســباق مــــنا يلحــق اللــي يطــرده مـــنقــود = طـــرتـــك مـــاتعـديتك وتطــرد مــا تعـــدانـي بديت أمرار وأمرار أبتـدي والشــــعــر قطـف اورود = وأنا شاعر ونوب آتلاء الرجال ونوب تتلانــي ترى انذال العــرب تاكل قلوب الناضــجــــه واكبـــود = وهم من حيث هم هزلين ويموتون هـــزلانــي غجــر يدفــن بعضْــها بعضــها فــي قبــره الملحـــود = وحفر القبر مصــدر رزق ســـرْاقين الأكفــاني ينافســها اعـفـونـــــن فالبـيـوت ايدبـغــــون اجـلـــود = طغت واغلة رخيصن وارخصة غالين الاثماني ولـــــي عــنــهــم ولك وامــثالنا فالنايــف المــرجــود = شـــراب وزاد وزنادن وملــح وخــير الاسكاني عسى دارن تحجب الروس عن شمس الضحى والنود = يجــيــها فالضـــحى هـزه وبعد العصـر بركاني عـــرب بعد الله الله عـندهــا فضــل العــرب مجحــــود = عليها مـــن طبوع أمسـيلمه لون أسـودن قاني وســــم واســـلم ودم وآضــنْ لومــال النعـوس أقيــود = عصت قافي على شــانك مثل قافك على شـاني |
||||||
| vists | copyrights slogon | online crap |