عــمــار يـا بـيـت كـمـا بـيـت سـلـمـان=راعـيـه مـاهـو يـقـفـل الباب دونه
وان قيـل منهـو ياعـلي قـلـت ضيــدان=أبا أمـدحـه وأهل الوفاء يمدحونه
ضـيـدان بن مـترك لـه الطـيب عـنوان=والرتـبـة العــليـا زهـتـهـا مـتـونه
مـن الـظـفـر والـطـيـب والـعـز مــليان=وله مـجلس روس العرب يدهلونه
لـلـسـوق مــيـزان ولـلـشـعـر مـيــزان=والـحّــر مـيـزانـه تـراهـا عـــيـونه
يـالــوم عــيـنـي يـاسـلائــل سـليــمـان=عـرجـانـي مـايـخـتـلـف عـن يكونه
مـن لابـة فـي حــزة الـحـرب ظـفــران=سـقـم الــمعادي والـدخيل يحمونه
يشهد لها التاريخ من ماضي الأزمان=لـيـا طـار ستـر الي ينقـض قـرونه
والصـلـب والـصـمان تـشهـد وراكـان=يوم ان سوق الموت يعرف زبونه
فـريـسكـم فـي سـاعـة شـأنـهـا شــان=عـنها الحـريـب مولـيـات ضـعــونه
تـومـن بـكم قـحـطـان ورجـال هـمدان=والـصــدق نــور والاوادم يــــرونه
ماقـصـدي أخـص الـقـبـايـل بـحـقـران=أعــــد فــعــلّ كـلـهــم يــذكـــــرونه
والـشاعـر الي مـا معه عـقل ولسـان=عـسـى لـسانـه بالـجلـم يـقـطــعونه
واسلـم ودم وان كان فالهرج نقـصان=الــكـامـــــل الله والمــلا يـعـبــدونه
وصـــلاة ربــي عــّـد مـاكـــائــن كــان=عــلى رســول أمــتـــه يـتـبــعــونه