يالله يامطلـوب لالـك شـريـك ولاوكـيـل=أنت المجيب أنت القريب أنت الرقيب المعتلي
يامن كفلت الرزق للمخلوق ماغيـرك كفيـل=ياقاضي الحاجات والشـدات بامـرك تنجلـي
عليك ياعـلام مالـم يعلمـه عنـي عميـل=إلاَعميـل كالربيـع إن جــاد ولاَ همـلـي
أشد صبر من الجمل وأغزر من البحر المهيل=وأطول وأظل من الجبل واكن وازبن واثقلـي
ويشوش مثل الأشهب المرشوش أبوباع طويل=طلق اليمين من الثـلاث التاليـات محجلـي
ياما وياما قلت من هو في نهـار كنـه ليـل=الله لايرخـص عـزيـز ولايـعـز مذلـلـي
ماضاقت الدنيا ولاخليت من اصحاب الجميـل=اللي مجانيهم تجاذبهـم كمـا جـذب الدلـي
ومادام عرق الطيب في الماء مايتيه به الدليل=جعل الحيا لي طاح مايحي عروق الحنظلـي
والمدح في من يطلق المسجون لو جرمه ثقيل=معزبي سلطـان إبـن عبدالعزيـز الفيصلـي
يافزعة المضيوم والمظلـوم يازبـن الدخيـل=منازلك بالطيب من فـوق النجـوم الزحلـي



تمت الإضافة بواسطة:ابن كبشان اليامي