الامل بالله ومادام للشعر اندفاع=ودي اللعب وأدب القاف اللين أطوعه

انسجم محراف بيته مع اسمك يا شجاع=واتجهلك يابن قرموط اهجرس وابدعه


السلام عداد ماسار في الطرس اليراع=لك وللي ينتبه للقصيد ويسمعه

وواجبك ياذايع الصيت يوم الصيت ذاع=قفر قاف قام صقل المواهب يدفعه

لك ولمثالك لجيت ابي اقديه طاع=وصار ذوقه مثل ذوق العسل من منبعه


وان بغيت ابلابه الاش ضيعني وضاع=أتردد في معانيه لين أضيعة

ما يليق الا لمن فيه من حاتم طباع=وأنت مثل الغيث والغيث كلٍ يتبعه

مع مدار أربع هبايب ملاعبة الشراع=فيك طبع من طبع الحلوم الأربعة

كلمة تهداء علي من زهاها ما تباع=وصحبة الطيب تعز المقام وترفعه

ما خلقت امدح ولا أذم راس ولا كراع=الهدف نفخر براعي الوفاء ونشجعه

والوطاء مذموم والمدح تاج الارتفاع=والرجال أنواع كلا يعود لمرجعه

وأنت من قوم تعشي جويعات السباع=يعرفون اللي غدا للعزاوي زعزعه

أهل مثلوثه وأهل خيل يوم الحرب شاع=جارها يركض وراها الشريف وتمنعه

ساومت سلطان الأشراف في سوق المباع=والحرايب نارها وارثه ومولعة

ودون هيبتهم طلوا هيبته طليت وداع=الدواسر من علي سرج حجلا تجدعه

والفعايل بين شتي القبايل والبقاع=من قديم بين هذا وذاك موزعه

اختصرت وصوب هالداجل الشعر انصياع =القصيدة روحها بيت صعبٍ مطلعه

ينعسف للي يعسف الثنية والرباع=يوم صار السيل ما كل سدٍ يردعه

يم شيخٍ يجعل المال للواجب متاع=رايته بيضاء لها في جبينه شعشعَ

ماخشر دينه ودنياه بخل ولا خداع=وافي ما ناش مجناه عرقٍ يهزعه

يا شجاع وكد الفعل بالهرج الوقاع=وكل مدحٍ فيك يارد من أقصي مرتعه

ما مدحنا بعض ناسٍ من الدنيا شباع=كل من دنياه عن طاعة الله تقلعه

يضحكون بعوية الذيب يوم الذيب جاع=وكل مانخيوا يضيعون وقت المنفعة

حالفٍ مامدح الاش مدحي للشجاع=دام سيلي من مناشيه يصل منقعه

والوفاء مادام له جرةٍ ولا شعاع=لو بقطع أرزاقنا ما قدرنا نقطعه

خلفوه أهل المنازل طويلين الرباع=والدهر شملٍ يشته وشملٍ يجمعه

ومن صبر صبرٍ يعدي على روس التلاع=ربنا في محكم القول قال انه معه

والثقال لها جمالٍ مناكبها وساع=شمخ النيبان عوص ما هي بمقرقعه

تندرج من سوق حمدون إلى ساحة رداع=وكل ما امتد أدرج البيد قامت تذرعه

اصطحبت من التماثيل قدر المستطاع=وخابر منصاي ما كل شعرٍ يقنعه

وسامحوني يا هل العرف عند الاستماع=تمت أخرها بذكر الرسول أودعه