ياللي تحسب الحب ضحكات ومـزوح
اسمح لي ارسم لك عن الحب صوره
يبدا بنظـره ويتمكـن مـن الـروح
وتصبح بيوته في الضمير معمـوره
وانظر بحالي يا بعـد كـل مملـوح
وتشوف في حالي عذابـه وجـوره
إن قلت لي مجروح بالحيل مجـروح
إلا وحالـي مـن هـواك مخطـوره
بنيت لك قصر الغلا بـرج وصـروح
وباب جويد وحـام القصـر سـوره
سوره من الكتمان ما يقبـل البـوح
من خوف من يركض بكذبـه وزوره
وليا لقى غره بقى الأمـر مفضـوح
كبـرت وزودهـا وزادت شــروره
وأنت انتبه لي يا حسين البها و أوح
واللي يحبـك خـذ كلامـه وشـوره
ما لك من الهجران والصد مصلـوح
يا صاحبٍ قلبي غـرق فـي بحـوره
هواك موج وفيه أنـا قاضـب لـوح
احاول اعبر ميـر صعـب عبـوره
يا عين حر جيب للشيـخ مطـروح
خطو أشقر شـدَو برجلـه سيـوره
عريان ريش وزين مخلاب وجنـوح
يدعيـه صـقَـاره ويعطـيـه دوره
ولك أشقر حوَل على المتن مسفـوح
زافين والمسـك اليمانـي عطـوره
حوَل وفي وسطه طلع للقمر ضـوح
وسطه قمر خمسة عشر بان نـوره
وخصرين واللي بينهن تقل ممسـوح
يا هايم الخصريـن ليـه الضـروره
احلف بمن ساعد ونجَى النبي نـوح
وفرعون بالطوفـان هـدَم قصـوره
إن لك صدري يا ريش العين مشروح
ونفسي عليك من الخلايـق غيـوره
ولو هو بكيفي كان أجي لك ولا ارو
حوما فاتني من عام ما احسب شهوره
والحـب بـاب للمخلايـق مفتـوح
ما احد ذكر بـه عيـب وإلا معـوره
قلبين فيهن حامي الشـوق مقـدوح
وخطر على المشتاق يفقـد شعـوره
يقضي هزيع الليل الأتلى مع النـوح
وعينه ولو تسهـر يقـال معـذوره
وإلا أنت منتب في تغليـك مسمـوح
يا منتهـى كـل الغـرام وحضـوره