الجوء غايم يازين الجوء والغيمه
ياضايق الصدر سج الرجل لاغيم
ليا رعد والمطر في اول مقاديمه
مافيه داعي تطيع الضيق وأتضيم
اخذ من البن في رحلتك تلقيمه
ومن حيث يعجبك شب النار ياغليم
دور ذرا يعجبك لوكان في خيمه
ترا المطر يلمسك برده ليا ديم
وان طول العصر والديمه هي الديمه
ياقوء برد المطر فالليل لاخيم
لكن ناد اصغر اصحابك لتقديمه
قله من العصر لجلال الحطب ليم
ترا خويك لاطاب يطيب تفهميه
مهوب علة نحر فالراحه امكيم
ترا اصحاب السوالف مالهم قيمه
فالهرج طيب ووقت الشده اذميم
سوالفه تعجبك مع بنية اجسيمه
لكن وقت اختباره يطلع امتيم
بعض البشر منظره مغير ترهيمه
يرهم البدي وهو من داخل امجيم
قلبه رعاعه ومخه فيه تقسيمه
وليا ضرب شوط لافرق ولاليم