انت ياللي تحسب انك بين خلـق الله فقيـر
ليش تشكي والدراهم وسـط جيبـك زايـده
انتـه اقنـع بالقليـل انكـان ودك بالكثيـر
اضمن الهين ويدنـي لـك اعنـان الكايـده
واعرف ان الوقت للعالـم رحاتـه تستديـر
تستفيد مـن البشـر وهيـه مامنهـا فايـده
ماوراها فود اكود ادروس تحديـد المصيـر
لو فوايدهـا كثيـره عنـك بكـره حايـده
ما تدوم ابها الاناسه لـو تللبـس بالحريـر
ماكـره مـن طبعهـا للمكـر كلـه جايـده
ماعلاها من كبير ولا علاها مـن صغيـر
امرها نافـذ علـى كـل البشـر ومكايـده
والسياسي من يسايسها حسب فكر وظميـر
ويعرف ان المقفيه لا أقفت مهيـب ابعايـده
والحذر عن القدر ما ينفـع القلـب الحذيـر
ما كتب للعبد دايم فـي الطريـق ايصايـده
لو تحصن عن سيوف اقدار وقتـه مايسيـر
كم وكم واحد تحـت لحـي الليالـي مايـده
واعرف ان الجهد طيب لاحصل عقلن بصير
كل عقلن يعرف الناقـص أيعـرف الزايـده
واعرف ان المستحيله مستحيلـه ماتصيـر
مأحد يحقق أمـراده كـان مـا الله رايـده
مثل طيرن كان ماله ريش مايقـدر يطيـر
وان عطاه الله جناح ابعد صديـق ايعايـده
واعرف ان كثر الطمع بين البشر مافيه خير
الطمع بيـن البشـر يهـدم ابيوتـن شايـده
والسعيد اللي ما يغفل عن رضى الرب القدير
ماتغفلـه الليـالـي المقفـيـه واتـزايـده
ماورها الا التعب والهـم والشـر الشريـر
تشغل المسلم عن الطاعـه وهـي امحايـده
قبل يكتب من هـل النيـران والا زمهريـر
يجتهد فالديـن قبـل المـوت يجـي قايـده
العمل لا شان حضـه جـا يجـره للسعيـر
ذا نصيب اللي غفل وقـت الحيـاه البايـده
قاله اللي سمع اله شايب على جال الغديـر
جر صوته يشتكـي واكثـر علـي عدايـده
فيه يشكي من الفقر والفقـر دايـم خطيـر
والمصيبه فوق فقـره ديـن ناسـن فايـده
ويتمنى انه غني وانه علـى رتبـة وزيـر
وايتمنـى مزرعـه والفيـن ناقـه شايـده
ويتمنى راس مـال وفيـه مامعـه خشيـر
غير ورعانـه وعبـدن فالأوامـر سايـده
ويتمنـى فلـه وفكسـار يقنصبـه وطيـر
ويتجـول معـه خمسـه فالقسـى سنايـده
ويتمنـى الدلـه ام الهيـل فالجـو المطيـر
ويأتمنـى لـه فتاتـن بنـت شيـخ ونايـده
قلت ياشايب كفايـه لا تمنـى شـي غيـر
لا تطمع والطمـع مثلـك ماهـي عوايـده
أنت ياشايب لا تمنى شـي تحقيقـه عسيـر
قال باب الـرزق مأنـت أبمانعـن مدايـده
قلت صادق مار أشيرك كان وادك تستشيـر
انت عود ونصف امورن ودك ابهـا كايـده
كل هاذي وينها ما جتـك يومنـك صغيـر
والليالي من وصل سنـك محـت شرايـده
وين هاذي عنك يوم انك مـع الدنيـا قديـر
من لا ينفع في يسر وقتـه عجـز شدايـده
كلن ايحصل مايكتب لـه حلـو والا مريـر
ومن زهد وقته معه يصبـر علـى زهايـده
وانت بعد العمر ذا طعني تريـح فالسريـر
لا عطاك الوقت ظهره هيـد معـه وهايـده
وكان جاك السكر ابرك ياجمل كب الهديـر
من يجيه السكـر أمـرح فالخلـى وسايـده
وقلت وشلونك ياشايب ذا السنه مع العشيـر
قال الي خمس أسنوات وهي علـي القايـده
ودي ارضيها واعوضها عن الناقص بغيـر
والصحيـح البيـت مايبنـى بـلا وتايـده
قلت بالله اطلب الله فالختام أحسـن وأخيـر
لا تنحـرم هيبتـك والله تنحـرم جـوايـده
والمناوي ياكبيـر السـن للطفـل الغريـر
من يحسب ان المناوي جابت اللـي رايـده
وأنت شايب مايغرق شـئ لاكـن تستثيـر
شاعرن ثارت اهجوسه واستمـع قصايـده