بين مبدا العقل واحساسي فرعت
هو يصير الصـد والا مايصيـر
قال عقلي لاتقـول انـك وقعـت
قلت انا قد رحت فيهـا للاخيـر
قال قد قلت الك لكـن ماسمعـت
تحسبنك في هوى خلـك خبيـر
قلت اباصبر توني ماقـد قنعـت
عل خلي يرحم القلـب الكسيـر
لو يصير الموت دونه مارجعـت
اذكره واصبر واعجـل بالمسيـر
من هوى ضبى البراري ماجزعت
اتحمل لو بـدا وضعـي خطيـر
لا ذكرت العين والخـد انفجعـت
لان خلي بالحـلا مالـه خشيـر
لجل حبه صادق احساسي جمعت
وجيت له من دون افكر واستخير
قال هين قولهـا لامـن طبعـت
والله لتبطـي وطيـرك مايطيـر
لا تقول الحين تـوي ماشبعـت
قالها قبلـك تـرا نـاس كثيـر
النتيجـه مـر لامنـك جرعـت
بس ليتك في كلامـي تستشيـر