غلطتي في حياتي يـوم حبيتـك
حب له في كياني منـزلٍ عالـي
بالغلاء والوفاء والحـب بديتـك
دون كل البشر في كل الأحـوال
كل ما تطلبينـه منـي أعطيتـك
لجل خاطر عيونك يرخص الغالي
احسبنـي موفـق يـوم لاقيتـك
وأحسبك حلمي أول وقتي وتالـي
مادريت إنك اللي ذايـعٍ صيتـك
فالجفاء والصدود ومالك أمثالـي
ليتني في هذاك اليوم مـا جيتـك
لو سجيت رجلي بالخلا الخالـي
وليتني فالوعـد تهـت وتعديتـك
وأعتبرتك خيالٍ مر فـي بالـي
وليتني ماهويتك حيـل وأغليتـك
فرق مابيـن منوالـك ومنوالـي
أكتشفتك على طبعـك وصفيتـك
دوري من يشابهلك؟ وأنا مالـي
ولي طلب فالنهايه منـك ياليتـك
تنسي أسمي وتنسي رقم جوالـي
أه ياغلطتـي وشلـون حبيـتـك
وأنت ماتستحق المنـزل الغالـي
بواسطة : عبدالرحمن السلمي