جادلٍ خصهـا الله بينهـم بالجمـال
ارسلت لي سهوم العشق من عينهـا
شفتها بين زحمة سيـدات ورجـال
داخل السـوق والعالـم محيطينهـا
جل ربٍ عطاها الزين ويـا الـدلال
يالله إتكافهـا نـظـرة شياطينـهـا
هرول القلب منـي يمهـا وإستحـال
رجعته للضلوع اللـي سكـن بينهـا
ركزت بالنظر يمي وقلـت إحتمـال
إنـي اشبـه لواحـد مـن محبينهـا
أوهي أستنكـرت تنكيستـي للعقـال
ودها تقول موضه راحـت إسنينهـا
أو مجرد على ما قيل لعبـة عيـال
لعبـة أتعـذب العشـاق ياشينـهـا
كنت فالسوق غرب ورحت يم الشمال
قلت ببعد قبل لا مـوت مـن زينهـا
ولحقتني وقالت وين رايـح؟ تعـال
قلت أنا قالت إيه وتحكـي أهوينهـا
قلت معقول؟ قالت ليه منت بطـلال
وصدمتني بهذا الاسـم فـي حينهـا
قالت إشفيك صامـت ماتردالسـؤال
قلت لـو قلـت غلطانـه تمشينهـا
قالت القلـب ياشاعـر بليـا جـدال
ملك واحد وباقـي النـاس ملغينهـا
قلت والصدفه الحلوه يابنت الحـلال
كيف بالله يابنـت النـاس تنسينهـا
قالت أنا أعتبرهـا صدفـةٍ بالخيـال
وأنـت لا تزحـم النـاس بقوانينهـا
قلت تكفين قالـت لايطـول الجـدال
وتركتني صويب العشق من عينهـا
أه ياذا الغرام اللـي يهيـن الرجـال
وأه يـاذا الحيـاه اللـي تعرفينهـا
بواسطة : عبدالرحمن السلمي