صدري ملاه الضيق من غدر الأيام
وتوقفـت عنـدي جميـع اُمنياتـي
الحُزن باني له على قلبـي إخيـام
وسيطر على فكري وعقلي وذاتـي
وقت الوناسه راح عني من العـام
وقت التعاسه صار بلسـم حياتـي
حاولت أخفي وأدفـع الحُلـم قـدام
وأحسب حساب أيامـي المقبلاتـي
جائز تبقى مثـل ماقالـوا أحـلام
وجائز تكـون أحلامنـا ذاهباتـي
ضعف الأمل يحكم عليه بالإعـدام
ويعيدنـي للسنينـي الماضيـاتـي
رضخت للواقع وتوزيـع الأقسـام
اللي كتب ربي على اللـوح يأتـي
أشد موقف وأعظمه حرب الأخصام
وأشد من ذا الحرب كسرت عصاتي
تبت يديهم بعض الأصحـاب مـدام
غايـة مناهـم جرتـي للشماتـي
لابُد يـومٍ فيـه نرجـع للأحكـام
ونشوف من هو يكسب الطايلاتـي
ماني متابعهم علـى درب الأوهـام
حشا وكـلا عزتـي هـي غناتـي
أشطب على كل الأسامي والأرقـام
وأقفل عليها من جميـع الجهاتـي
لولا الإردة كـان ماطـاح صـدام
مابين أهل دجلـه ونهـر الفراتـي
زالت دول فالغرب والشرق والشام
ماهي صداقـة كـذب ومجاملاتـي
شفنا نوايا الزيـر بعيـون همـام
كانت صداقة وأنتهـت بالشتاتـي؟؟
ياللي تشوف الناس في عينك أقزام
وتشوف نفسك حزت كل الصفاتـي
درب الغرور الأعوج أخطار والغام
والأدمـي مايفعـل المعجـزاتـي
يرميك في حقل المشاكل والأوهـام
ويلغي جميـع أعمالـك السابقاتـي
بواسطة:عبدالرحمن السلمي