سرى في سما نجد العذيه سنا البـراق
يبـدد ظـلام الليـل ونقـول سبحانـه
نشوف السحايب تبتسم والمطـر دفـاق
على موطنٍ يفخـر بخيلـه وفرسانـه
حموه وعطاهم صدره اللي حشا ما ضاق
وبافعالهـم واخلاصهـم ثبـت اركانـه
ودرب الوفا ماهو غريبٍ على ابو ساق
ما دام النجـوم تفاخـر بفعـل جدانـه
شلع مثل صقرٍ بالفخر يجذب المسبـاق
تعـلا وصافـح مجـد بابـل بجنحانـه
تحت راية ال سعود يرسي على الميثاق
وحب الوطن في الدم ينبـض بشريانـه
تفانا بحزم وعزم فـي طاعـة الخـلاق
وبالصدق نور المجد يبرق على امتانـه
يفاخر بحكم اخوان نوره من الاعمـاق
يصون العهد ويقول لا عاش من خانـه
وطن ما يهمك ياوطن دام لـك عشـاق
على الموت دونك يا وطن دوم شفقانـه
عليهم سلامي واعتزاز الشعر ينسـاق
لوجهٍ نـزود بذكـره وصيـت شيبانـه