تهب الرياح وقمة طويـق مـا تهتـز
كساها الشموخ وفي العلالي تماري بـه
رست في الصعايب مثل وقفات ابو معتز
وقوفٍ يطـول العـز ويشتـت الريبـه
تسولف عن افعاله نجوم السما لا فـز
ولا من جلس كن السحايب تهلـي بـه
اشوفه واحط لمعسـرات الليالـي كنـز
ولا قلت جابر قالوا النـاس يـا طيبـه
هذاك الصديق اللي غدا للمراجل رمـز
افاخر ليا قالوا صديقـي واغنـي بـه
على قمة الشيمة اشوفه وهـو مرتـز
مثل شيخ قوم يستحي الليل من شيبـه
وقف مثل برج المملكه في رياض العـز
يعلم رمـال البيـد وش تعنـي الهيبـه